'Well I am' Challenge

‘Well I am’ Challenge

CHALLENGE        -              noun

1.       a call to someone to participate in a competitive situation or fight to decide who is superior in terms of ability or strength.

2.       a call to prove or justify something.

 

Die woord ‘uitdaging’ het n realiteit vir my geword op 1 Julie 2014 toe ek begin het met die ‘Well I am Challenge’ om al my oortollige gewig af te skud, maar ook n meer gesonder leefwyse te leef. Soos in die eerste engelse definisie van die woord ‘challenge’, gaan ek in n kompetisie in vir die beste transformasie teen ander deelnemers. Maar my grootste kompetisie is ek self. Ek moet oor al my verskonings kom, en het ek nie vir jou verskriklik baie van dit nie! Veral die verskoning om nie te gaan oefen nie… dis te koud, die verkeer was te erg, mense gaan vir my lag, my groottoon pyn!

 

Die tweedeengelse definise van die woord ‘challenge’ is om iets te bewys. Hier wil ek vir almal bewys wat se ‘Ag, sys al tog nooit maer word nie’, dat ek dit wel kan doen. Ook wil ek dit aan myself bewys, want ek het al soveel keer opgegee.

Dit help natuurlik dat manlief ook bietjie dieet en oefen, want dan hoef ek nie in die aande met n koue ou slaaitjie te sit, en hy met n heerlike hamburger en skyfies nie. Hy raak ook vinniger honger as ek, so gewoonlik as ek by die huis kom na werk, het hy al begin met n gesonde etetjie vir die aand.

Hierdie uitdaging het my nuwe moed gegee,en ek sien uit vir die volgende 100 dae. Sommige mense dink 100 dae is verskriklik lank, ja dit is. Maar die 100 dae gaan in elk geval verby gaan. Ek kan dit netsowel gebruik om n verskil te maak in my eie lewe. My yskas is vol geplak met laasjaar se wenner as motivering, kalenders wat die dae af tel en kos idees. Ek het gesien beplanning is die grootste hindernis vir my, en ek probeer nou beter beplan.

Daar is natuurlik die vriendinne wat baie ondersteunend is, boodskappies stuur en jou nie in n glas wyn in forseer nie. Dan is daar ook die wat jou altyd van die wal na die sloot wil help, en met elke braai n stuk knoffelbrood in die hand probeer stop. Hier gaan dalk n paar vriendskappe beproef word, wie weet?

Hou vir my duim vas, klap die cupcake uit my hand uit en stuur n bietjie motivering vir die 100 dae wat voorle!

P.S. Ek wou nog se… miskien sien julle my in n sexy bikini Desember vakansie ;)

 

Kook is n kuns…wat ek spoedig moet aanleer

Soooooooo…. 2014 is hier en natuurlik het ek n paar nuwejaarsvoorneme gemaak. En soos dit mos maar gaan begin n mens gewoonlik goed en dan val n mens so bietjie van die bus af deur die jaar. Maar soos alle nuwejaarsvoorneme wil ek graag met hierdie een deurdruk, nie net vir my nie, maar ook vir my liewe man J

Ek is nie baie handig in die kombuis nie. Daar was net geen belangstelling toe ek jonger was nie… of dis wat my ma se. Toe ek in graad8 my vakke vir die Hoerskool moes kies wou ek Huishoudkunde vat, my pa het gese NEE, want ek weet nie eers hoe om n eier te kook nie. Ek moet net byvoeg dat ek nie eiers eet nie, so daarom wil ek dit nie kook nie. En was dit nie die punt nie, om te leer hoe om n eier te bak nie? Wel, daar was ook nie veel belangstelling toe ek ouer was nie. Ek hou wel van die TV-program Master Chef en kyk dit graag. Nie dat ek eintlik ‘tips’ optel nie, hahaha.

My man het darem al vroeg besef ek is nie self n Master Chef nie, en dat my spesialiteitsdis toast of stir fry is. Maar nou is ek n getroude vrou en ek hoor hoe oulike disse my vriendinne vir hulle mans maak en hoe hulle eksperimenteer. En dan sien ek hoe my man wens sy vroutjie wou ook bietjie meer doen in die kombuis. En toe besluit ek dat een van hierdie jaar se voorneme sal wees om een keer in twee weke n nuwe dis te probeer maak vir manlief. Ek sal tot so ver gaan dat hy vir my n telling uit 10 kan gee en n ‘comment’ by skryf (want hy is nogal self handig in die kombuis). En ek sal die ‘constructive criticism’ vat en belowe om nie kwaad of moedeloos te raak nie.

So dis nou my eerste resep se beurt en wat n storie om te besluit wat om te maak. Ek kan nie besluit of ek uit die Kook en Geniet resepteboek moet kyk (wat my pa so paar jaar terug vir my gekoop het), of die Keur se ‘Vinnige’ Resepteboekie te loer (wat n vriendin, - wat n goeie kok is - vir my gekoop het nie), of na my e-posse van ‘What’s for Dinner’ en ‘Daily Recipes’. Ek begin toe maar met die bestandele wat ek reeds in my huis het, want ons almal weet hoe lyk die kos kaste en beursies in Januarie.

Ek wil ook nie iets te moeilik kies en dan al met die eerste probeerslag opgee nie. Die engelse teenoor Afrikaans raak ook moeilik met die vertaling. Ek moes reeds my ma vra wat is Komyn???

Ek besluit toe op n ‘Stuffed chicken, rolled with bacon’ prentjie wat vir my heerlik lyk. Ek weet n mens moet nie net vir die prentjie kyk nie, maar dis nou maar hoe ek my eerste resep gekies het. Ek hoop net nie die tandestokkies waarmee ek die rolletjie moet vasmaak slaan aan die brand nie, haha. Nou moet ek net uit ‘figure’ hoe die oond werk en dan behoort ek SEMI okay te wees. Wish me luck!

Ek wou nog se… Ek weet nie hoe lekker gaan hierdie nuwejaarsvoorneem van kook, so lekker saam werk met die ander nuwejaarsvoorneem om so paar kilo’s te verloor nie?????????